السلام عليكم، معايا xx القيت الرقم ديالك ف أفيطو..
معك أمل من شركة أمرتيل. تاصلت بك باش نقدملك واحد الأوفر سبيسيال، إلا كان عندك 3 دقايق من وقتك نشرحلك أكثر.. مكينش الوقت المناسب نتاصل بيك من بعد
مرحبا.
حنا شركة أمرتيل بدينا من 2017، و ف 2019 عطاتنا الدولة منحة, حيت حنا أول وكالة عقارية Digital ف جهة طنجة تطوان..
بدينا صغار غير ب الكراء اليومي و طورنا الموقع الإلكتروني ديالنا بزاف..
و الحمد لله شركة ديالنا كبرات و حاليا عندنا شقق للكراء و البيع حنا نبيناهم..
نتوما كتخدمو على الكراء و البيع ياك أسيدي؟
*خاص تشوف شنو التركيز ديالهم*
أه, لاحظنا أنكم كتعتامدو على أفيطو.. و كتخلصو على الإشهارات..
حتا حنا, سنوات و حنا كنخدمو بأفيطو وجربنا أكبر pack عندهم Expert ولكن العائد قليل مقارنة مع المجهود..
وصافي وقفنا البوتيك معاهم غير ف شهر 7,
المشكلة الكبيرة د أفيطو هيا لي ليميت لي فيه
و توكنز لي كيمشيو دغيا و عدد الإعلانات المحدود.. ولا مخلصتيش يوقفوك..
مع العلم أنه نقص العدد د الزوار د أفيطو ب 50/100 من 2022 الدابا بسباب ماركيت بلايس فيسبوك.. و airbnb..
ومع ذلك زادو الثمن د لي بوتيك.
مالاحظتيش الكاليتي د الكليان لي ولا كيجي من أفيطو نقصات بزاف؟
إلا قال نقصات جاوبو:
أه, بزاف هدرنا معاهم غادي يحبسو معاهم.. السوق كيتبدل و خاص ضروري نتماشاو معاه...
إلا قال الجودة منقصاتش:
أه. أك..
العرض اللي غا نقدملك هوا جوج حوايج:
1 - المواكبة الأسبوعية باش نحولو الوكالة العقارية ديالكم digital بحال ديالنا..
2- ثانيا غادي نعطيوكم موقع إحترافي بزززاف, 100/100 بحال ديالنا، بالاسم والشعار ديالكم، كيكون فيه:
- إمكانية وضع فيديوهات ف الإعلانات.
- صفحات مراقبة التطور ديالكم.
- وفيه أجندة متطورة:
- كتوري الكليان فوقاش غايخواو الشقق و كتعرف اللي مكرية من لي باقا
- تقدرو تربطوها مع airbnb بوكينك.
- وصفحة كتساعدكم فصياغة العقود لي ف قل من دقيقة العقد كيكون واجد..
هدشي غادي يطور الخدمة ديالكم 360 درجة.. و يربحكم وقت كبير..
طبعا.. متخافش.. كاينة فترة تجريبية لمدة شهر. 😁
و الأثمنة د سيرفيس ديالنا رخيصة بزززاف:
إلى سول شحال قولو: إبتداءا من 370 درهم شهريا
قلي: فوقاش فتحتو البوتيك د أفيطو؟
برافو كتأنفيستيو ف البروجي ديالكم..
اللي مزيان فالعرض ديالنا هو أن نفس الموقع, ولي أوتي لي صنعناهم الإستعمال اليومي ديالنا هيا اللي كنعطيوكم.. و الحمد لله, بيهم حنا رقم 1 ف مدينة مرتيل..
-- لقينا أن مشاركتها مع وكالات عقارية ف المغرب كامل مافيه تا مشكل, مدام حنا خدامين ف مدينة, و نتوما ف مدينة أخرى.. إذن مكينش منافسة.
إلا كنتي مهتم ب تطوير الخدمة ديالك، نقدر نحدد معاك موعد عبر Google Meet يشرحلك المسؤول، فمكالمة ما كتجاوزش 15 دقيقة جميع التفاصيل و تشوف القوة د هادشي لي كنعرضو عليك..
قلي الوقت لي يناسبك
