عمر: السلام عليكم متتبعينا الكرام معاكم أشرف و عمر في حلقة جديدة من برنامج أجي نتعرفو على مرتيل الموسم الثاني اللي من خلالو غادي نتعرفو على جميع أحياء مدينة مرتيل المعروفة بالسياحة و الهادوء
أشرف: الغرض من هاد البرنامج هو مساعدتكم على اختيار الحي اللي يناسبكم لغرض الكراء أو شراء عقار للاستقرار و اليوم غادي نتعرفو على حي رياض صوفيا.
عمر: حي رياض صوفيا كيتواجد خارج مركز المدينة فحدود جغرافي مع حي أم كلثوم و حي أحريق و هو عبارة عن مجمع سكني اقتصادي جديد
أشرف: اللي كيميز الحي أنه كيكبر بسرعة كبيرة بفعل حركة البناء الكثيرة والحي بدا كتجزءة اقتصادية فيه مجموعة من المركبات الإقتصادية الضخمة اللي كتضم أعداد كثيرة من الشقق د 25 مليون و ايضا أنه هادئ ونظيف والحد الساعة الحي غير مكتمل التجهيز لكن كيتوفر على المرافق العمومية الضرورية كالمسجد و مدرسة جديدة و عدة مقاهي ومساحات خضراء..
عمر: أهم المشاكل اللي كاينة ف الحي و اللي خاصك تعرفها هي بعد الحي على البحر و صعوبة التنقل الوسط المدينة بسبب قلة المواصلات حيت مكينش محطة د طكسيات صغيرة و غاتحتاج طمبيل باش تنقل و فيه مشاكل أمنية بسبب البقع الأرضية الخاوية و الإنارة الضعيفة و هذا اللي خلا الشرطة تبني مركز جديد صغير ف التجزءة
أشرف: وخلال هاد السنة تبناو أكثر من 1000 وحدة سكنية اقتصادية جديدة ف الحي و هذا اللي غايخلي الحي اقتصادي بشكل كبير و غادي يجر أعداد كبيرة من السكان من الطبقة المتوسطة أو الراغبين في شقة ثانية للتخييم يسكنو ف الحي و غادي يتولد اكتضاض ضخم خاصة ف فصل الصيف.
عمر: بالنسبة لثمن الكراء للشقق المفروشة فكيتراوح مبين 200 الى 350 درهم لليلة في فصل الصيف وفي فصل الشتاء كيتراوح مبين 1000 الى 2000درهم للشهر
أشرف: حي رياض صوفيا أنصح به كل زوار مرتيل الذين يتوفرون على السيارات وأيضا كل من يريد امتلاك شقة في مرتيل خاصة الشقة الثانية للتخييم فثمن الشقق كيتراوح ما بين 35 مليون و 50 مليون وهاد الحي كيعرف تطور كبير و غايرجع واحد من أهم الأحياء مستقبلا بمدينة مرتيل
عمر: كاين بزاف د الناس شاريين شقق بغرض السياحة الموسمية كيجيو ليهم من الصيف الصيف خاصة الناس د كازا و الخاريج..
أشرف: كنشوف هاد الحي غايكون مبين الأحياء اللي غادي يندمو الناس اللي باغيين يشريو عقار بثمن بسيط حيت مشراوش فيه فهاد السنوات اللي حنا فيهم حيت من هنا 10 سنوات غادي يتجهز كامل نشاء الله. و الاثمنة غاطلع كبقية الأحياء الأخرى.
عمر: إلى كتفكر تشري عقار ف هاد الحي الجميل الهادئ سواءا أرض أو شقة أو محل تجاري. فضروري خاصك تدخل الموقعنا الإلكتروني: AMARTIL.COM و تشوف العقارات اللي عندنا ف حي رياض صوفيا و مفيها باس تشوف العقارات الأخرى اللي عندنا ف الأحياء الأخرى د مدينة مرتيل و تواصل معنا و نشاء الله غادي نساعدوك تلقا اللي يناسبك بالثمن اللي بغيتي.
كان معاك عمر و أشرف من طاقم شركة أمرتيل
شكرا على المتابعة
و نتلاقاو نشاء الله ف عرض جديد
