السلام متتبعي قناة أمرتيل معكام عمر في حلقة جديدة من برنامج أجي نتعرفوعلى مرتيل اللي من خلالو كنعرفكوم بأحياء مدينة مرتيل المعروفة والمناسبة للتخييم و للاستقرار. الغرض من هاد البرنامج هو مساعدتكم على اختيار الحي اللي يناسبكم لغرض الكراء أو شراء عقار للاستقرار و اليوم غادي نتعرفو على حي ميكستا.
حي ميكسطا عبارة عن مجمع سكني تم البناء ديالو سنة 2009 وهو كيتعتبر أكبر مجمع اقتصادي بمرتيل و كيتواجد قريب من مركز المدينة وبحوالي ب 15 دقيقة على البحر وهو من بين الأحياء التي كتعرف اقبال كبير في فصل الصيف بسبب ثمن الكراء المنخفظ لي كيتراوح ما بين 200الى 300 درهم أيضا كيعرف أقبال كبير من طرف الطلبة في فصل الشتاء بسبب القرب ديالو للجامعة وثمن الكراء الشهري فيه للشقق المفروشة كيبدا من 1000 الى غاية 1700 درهم و فيه مجموعة من الأاراضي السكنية اللي مزال متبنات و أثمنتها الحد الساعة معقولة.
حي ميكسطا كيتوفر على مرافق عمومية كثيرة اللي ضرورية وكتسهل الاستقرار فهاد الحي مثلا المسجد و المقاهي و المدارس مركز الشرطة مقاطعة مكتبات صيدليات محلات تجارية المقاهي والمطاعم الصغرى .
أما ف خصوص المشاكل فحي ميكستا مزال كيعاني الفراغ السكاني بحيث بزاف د الناس شراو فيه شقق اقتصادية و مخلينهم غير من الصيف الصيف خاصة الجالية المقيمة بالخارج هذا كيعني أنه ف الفصول الأخرى من غير الصيف الشقق كتبقا خاوية و هذا كيجعل السكان يكونو قلال و ميهدروش على حقهم دغيا باش يطور الحي كبقية الأحياء السكنية الأخرى و أيضا المجمعات السكنية أغلبهم مفيهمش الإنارة بسباب أن أغلب السكان مكيخلصوش السانديك حيت مساكنينش ديما.. وكنلاحضو فيه مشكل تكسر ف شبكة الطرقية و انعدام النظافة و كثرة شنيولة و قلة الإنارة ف بعض الأجزاء من الحي و أنه مفيهش محطة د طكسيات صغار اللي كتسهل التنقل و هذا خلا أعداد كبيرة من السكان يبيعو و انهار ثمن العقارات في هذ التجزءة و لكن هذي راها فرصة المستثمرين ف المستقبل...
حي ميكسطا من الأحياء اللي كنصح بها للتخييم مع الأصدقاء و الاستقرار و حتا الإستثمار في الكراء فرغم المشاكل المذكورة فهي بسيطة و مع الوقت مغاتبقاش.. و هذا الحي مزال كيعرف تطورات وظهور الكثير من الأنشطة التجارية خصوصا أنه كامل التجهيز و كيتموقع وسط الأحياء ف المدينة وفالفترة الأخيرة الناس بزاف كيبغيو يمتالكو شقة فميكستا للاستقرار الدائم أو التخييم بسبب الأثمنة المخفضة للشراء شقة فيه بحيث أن الأثمنة كتبدا من 25 مليون الى غاية 35 مليون...
إلى كتفكر تشري عقار ف هاد الحي الجميل الهادئ سواءا أرض أو شقة أو محل تجاري. فضروري خاصك تدخل الموقعنا الإلكتروني: AMARTIL.COM و تشوف العقارات اللي عندنا ف حي ميكستا و مفيها باس تشوف العقارات الأخرى اللي عندنا ف الأحياء الأخرى د مدينة مرتيل و تواصل معنا و نشاء الله غادي نساعدوك تلقا اللي يناسبك بالثمن اللي بغيتي.
